Our walk list currently shows walks from only some of our groups. We hope to have a full list again shortly but please contact your local group if their walks are not showing. Sorry! (and for my lack of confidence to write this in Welsh.)
Mae Cerddwyr yr ardal hon yn perthyn i siroedd Gogledd Cymru, sef Conwy, Sir Ddinbych, Sir y Fflint, Gwynedd, Wrecsam ac Ynys Môn.
Croeso i’n gwefan. Gogledd Cymru yw un o’r ardaloedd mwyaf amrywiol ac ysblennydd yn y Deyrnas Unedig i gerddwyr. Mae’n cynnwys Parc Cenedlaethol Eryri a thair ardal o Harddwch Naturiol Eithriadol – arfordir Môn, Pen Llŷn, a bryniau Clwyd a Dyffryn Dyfrdwy. Mae gennym arfordiroedd a mynyddoedd gwych; ardaloedd gwledig tawel; hanes; diwylliant; bywyd gwyllt a chynefinoedd. Rydym eisiau i’r bobl sy’n byw yma, yn ogystal â’r ymwelwyr, allu mwynhau archwilio’r ardal hyfryd hon.
Oriel Luniau:
Ffotograff: Matt Nobles
Rydym hefyd yn cefnogi ac yn gweithio gyda’n grwpiau lleol. Gallwn eich helpu i fynd allan i’r awyr agored a gwneud ffrindiau newydd a chanfod sut mae cerdded yn rhoi hwb i’ch iechyd a’ch hapusrwydd.
Mae 9 o Grwpiau Cerddwyr yng Ngogledd Cymru. Mewn blwyddyn arferol mae’r Grwpiau hyn yn cynnig rhaglen amrywiol o fwy na 600 o deithiau cerdded gydag arweinydd. Aelodau gwirfoddol o’r Cerddwyr sy’n arwain y rhain. Mae gennym deithiau cerdded addas i bawb, beth bynnag maen nhw’n ei fwynhau. Mae croeso i aelodau newydd ar ein teithiau cerdded ac hefyd i bobl sy’n ystyried dod yn aelodau. Yn aml iawn, mae’n syniad da i gysylltu ag arweinydd taith gerdded o flaen llaw i gael manylion y daith ac weithiau efallai y bydd angen cadw lle o flaen llaw. I gael rhagor o wybodaeth am ein grwpiau, cliciwch YMA.
Mae’r Cerddwyr yn gyfrifol am ddiogelu’r llwybrau troed yng Ngogledd
Cymru. Rydym wrthi’n gweithio’n frwd i sicrhau bod gan yr ardal rwydwaith o lwybrau cerdded o safon uchel. I ganfod rhagor, neu i gymryd rhan yn y gwaith hwn, cliciwch YMA.
Mae gan Gerddwyr Gogledd Cymru ymrwymiad i ddiogelu’r llwybrau troed yng Ngogledd Cymru. Rydym yn gweithio’n ddiwyd i geisio sicrhau bod gan yr ardal rwydwaith o lwybrau cerdded o safon uchel. I ganfod rhagor, neu i gymryd rhan yn y gwaith hwn.
Rydym yn falch o’n llwyddiannau o ran amddiffyn a gwella’r hawliau tramwy yng Ngogledd Cymru. Rydym yn ymrwymo i sicrhau bod y llwybrau’n agored ac yn cael eu gwella drwy’r amser.
- Rydym yn rhoi gwybod am broblemau ac yn cadw llygad ar y sefyllfa;
- Rydym yn trafod dargyfeiriadau posibl gyda pherchnogion tir, cynghorau a phobl eraill sydd â diddordeb;
- Mae ein gwirfoddolwyr yn gwneud gwaith ymarferol i wella’r rhwydwaith;
- Rydym yn cynnig gwelliannau i lwybrau a mannau agored ac yn helpu i ganfod yr arian i’w gweithredu nhw;
- Rydym yn gwrthwynebu unrhyw gynnig fyddai’n niweidiol yn ein barn ni i’r cyhoedd, i harddwch cefn gwlad neu i’r amgylchedd;
- Rydym yn cynnal cyfarfodydd rheolaidd gyda’r Cynghorau Sir i sicrhau bod y gwaith yn cael ei wneud a bod cyllidebau’r llwybrau troed yn ddiogel.
